CERBER 57

LIMA PULUH DELAPAN

.

         Tuh piring, di taro, pas, di depan kong Li hun. Terus, bang Somad ngingser. Begerak ke tempatnye. Ngambil piring nyang  ketupatnye  belon abis. Lantas, die balik lagi. Duduk di sam ping kong Lihun, nyang makannye bisa dibi lang aneh. Cepet banget.

          Pasti die lagi kelaperan, kate bang So mad. Cuman, berani nebaknye dalem ati, Ka gak disampein ke bang Panjul, nyang nyolong nyolong kesempetan, ngeliat ke kong Lihun

          “Panjul..lu kagak liat, ketupat bang Li hun udeh abis?”

          Somad negor Panjul. Nyang ditegor nger ti, ape nyang mesti dilakuin. Tapi, Panjul kagak buru-buru bikinin nyang baru. Die ngedeketin kong Lihun, nyang biasanye, emang jarang nambah

          “Nambah pake ketupat ape jengkolnye doang, kong ?”

          “Lu kagak usah repot. Gue bener-bener udeh ke nyang,” sahut kong Lihun nyang lantas narik nafas panjang sembari ngelur-ngelus perut.

          Panjul cepet-cepet balik ke posnye. Bang Somad, buru-buru ngeraih gelas, nuangin teh dari teko ke gelas. Nyodorin ke kong Lihun, nyang meski keliatan masih susah buat senyum, tapi udeh kagak sesenggukan kayak waktu sebe lon perutnye keisi ketupat sayur, buatan bang Panjul

         “ Sekarang, kalo emang ada nyang abang mau ungkapin,” kata Somad, nyang mulai bera ni ngomong lantaran ngeliat kondisi Lihun udeh stabil lagi.

        “Ungkapin aje,” Somad kagak ragu lagi buat nerusin kalimatnye.

       “ Nyang namenye manusie, kan, emang ka gak bakalan bisa bebas dari persoalan. Terle bih, persoalan entu sendiri, selaen dateng silih beganti, juga kagak pernah bise kite duge, ka pan die muncul dan kayak ape bentuknye.

       Cuman, nyang namenye persoalan, yaa, gi tu, tetep aje bakalan terus jadi persoalan. Tapi, kalo kite mau buru-buru nyari solusi buat ngela rin secepetnye, pasti kagak bakalan lagi ngeribe tin. Sebaliknye, tentu bakal ngeribetin, dong, ka lo cuman didiemin.

       Maaf, lho, bang, kalo saye lancang. Soal nye, saye udeh sempet denger soal kejadian ta di pagi di rumah abang. Katenye, mantu bang Lihun, tereak-tereak sembari ngomel. Tapi, sa ye kagak percaye abang diomelin sama mantu. Bini pilihan si Nurdin, kan, kayak nyang abang bilang, cuman bikin hepi. Masa’, mantu nyang belon lama dibilang bae, langsung berobah jadi berani ngomelin “

        “Mantu gue emang kagak ngomel ngomel in gue, kok. Die tuh, tereak lantaran shock. Die tuh stress, lantaran dapet kabar babenye nyang baru mau pulang dari Irian Jaye, keserang set rok. Gue kan udeh ngejelasin?

        Lagian, kagak mungkin dong, die berani begitu sama gue? Kecuali, die emang mau gue gaplok atawa mau gue tonjok. Lagian, gue mau punye mantu bukan buat dilunjak. Kalo punye mantu ngelunjak, pastinye udeh langsung gue gebok ”

        “Yaa, syukur kalo di rumah kagak ada ma salah. Cuman, maaf, nih, bang. Tumben, udeh mau maghrib, cuman bekolor sama besinglet doang. Biasanye, tiap ke luar rumah mau mag hrib kagak begini ?”

        “ Oooo..merhatiin pakean gue juge, lu”

        Lihun nyang kagak mau buka aib, belagak kagak kaget. Die, juga buru-buru nyaut. Berusa he nutupin masalah nyang sebenernye, bikin da da die nyesek.

Bersambung….

Tweet