BUKAN MANTU IDAMAN 56

LIMA PULUH ENAM

     “Babeee..ngapain bediri bengong ngeliatin Nina nyang asyik makan, sih ? “ Sentak Ni na, nyang keliatannye, kepaksa nunda suapan ketige, karena baru ngeh, kalo mertuanye cu man ngeliatin die makan.

       “ Babe tuh laper juga, tau. Masa tau mertue juga laper, mantunye kagak nawarin atawa nga sih makan ?” 

       “Oooh, babe juga laper, terus, sekarang juga mau makan ?” Tanya Nina, nyang kayak nye sih, sikapnye langsung berobah jadi jatoh kesian        

       “Naaah, tuh Nina tau, orang laper tuh, mau nye makan? Buat babe, jangan terus disimpen di tas, dong. Keluarin, kek, supaye babe bisa cepet nikmatin,” sahut kong Lihun, nyang lanta ran laper, kagak lagi mikir kalo mantunye bakal  mangkin ngegedekin.

     Nina, emang lantas ngebentak lebih ken ceng lagi. Malah, pake emosinye nyang paling  tinggi. Padahal, Nina Beller bukan pendaki gunung

      “Beeeeee! Tau nggak sih, kalo Nina, paling kagak suka, sama siape aje nyang bisanye cu man ngeliatin Nina lagi asyik makan, sementa re nyang ngeliatin Nina, juga bilang laper.

      Mestinye, babe nyang udeh tue, jangan cu man pinter nasehatin supaya anak muda tuh kreatif atawa beinisiatif? Kalo babe bisa naseha tin kayak gitu, mestinye babe lebih kreatif , lebih tau ape artinye inisiatif. Emangnye, kalo babe cuman bengong, ngeliatin Nina, laper jadi kenyang? Aus jadi ilang ?

       Kagak bakalan, be?

      Nyang ade, nantinye, babe malah pingsan. Timbang babe pingsan, kan, mestinye babe pegi ke warung mane aje buat beli makanan. !”

      Kong Lihun baru bener-bener ngeh, baru yakin, Nina, menantunye, emang udeh berobah total. Die udeh jadi mantu nyang sebenernye.  Mantu nyang emang bener-bener beler. Sesuai sama nemenye, Nina Beler.

       Mantu nyang dari mule emang die kagak setuju. Tapi, lantaran  Nurdin ngeyakinin, cu man mau  ngelamar dan ambil die jadi bini, lan taran die nguber-nguber Nurdin, engkong Li hun kepakse ngalah. Kepakse ngikutin kemau an Nurdin, nyang milih Nina Beler jadi bini nye.

       Celakanye, Nurdin sempet ngebuktiin, kalo pilihan hatinye sinkron sama kemauan babe nye.  Cuman, kalo faktenye mulain begini, eng kong Lihun bukan jadi  yakin, kalo Nina Beler emang cewek alias mantu beler. Mantu nyang kalo aje die kagak mikir panjang, pasti udeh dicekek sampe koit. Sebab, sebenernye, die bukan mantu nyang selame seminggu nonjolin kepribadian nyenengin mertue ples lakinye. Ta pi, mantu paling sompret dari segala kesomp retan

       Kong Lihun kepaksa mesti lebih nguatin di ri, supaya emosinye nyang udeh ngegumpel, siap  meledak, kagak jadi meledug. Kepaksa berusahe ngendaliin diri, semampu mungkin, supaya bisikan setan, nyang semangkin berusa

he ngejeblosin die ke jurang gelap-- ngelakuin tindakan dahsyat, nyang bisa ngoitin Nina Be ler di satu pihak, juga bisa mindahin kong Li hun, Dari dunia bebas ke dunie penjare.

        Untung, engkong Lihun sadar sesadar sadarnye, kalo die kagak mau jadi pembunuh. Kagak mau nyekek lantaran cekekannye bisa ngoitin Nina Beler.

Bersambung………

Tweet