Oleh : Oesman Ratmadja
EMPAT PULUH EMPAT
“Makanan juga die nyang ingetin, be” bisik Nurdin, saat Nina nyang kebelet kepengen pipis langsung melarikan diri ke kamar mandi.
“Kalo kagak takut die keburu ke luar,
gue sesenggukan lagi, deh,” desis kong
Lihun
“Mudah-mudahan, begini selamanye, be”
“Amin. Semoga bener-bener terang di
langit terang di bumi. Gue bangga sama elu, Din. Lu bisa nyari bini nyang pas,
nyang sesuai sama kriteria. Sebab, si Nina juga bisa jadi mantu nyang bikin
mertuanye hepi “
Kong Lihun kagak aje ngucapin terima
kasih ke anaknye. Tapi, juga ke Nina nyang baru aje nyelesain pipisnye.
“Sama-sama, be. Cuman, nyang ngebeliin
bukan saye. Tapi bang Nurdin. Anak kesayang an babe. Saye cuman sekedae
ngingetin sama milihin doang,”Nina Beler, berusaha merendah.
“Pokoknye, sekali lagi babe ucapin
terima kasih.Oh iye, martabaknye babe bawa. Buat ngemil sambil nonton sepakbola
“
“Emang ada bola, be?”
“Astaghfirullah Hal Adziem.. lu kagak
tau malem eni Indonesia
lawan Real Madrid ? Baru san, sih, lagi seru banget. Soalnye, kite baru ka lah
sebelas nol. Hebat banget, dah, kalahnye cuman sebelas, nol “
“Udin bukan kagak mau nemenin nonton,
be.Cuman, kayaknye udeh ngantuk. Si Nina juga belon berani tidur sendirian”
“Udeh ngantuk ape lu mau maen bola ju
ga? Biase lu tidur tengah malem, baru jam dua belas udeh bilang ngantuk. Kagak
usah alesan bini lu takut tidur sendirian, deh. Babe ngerti, kok, kalo lu bedua
masing penganten baru, “ Kong Lihun nyang udeh ngambil martabak, nyandain anak
ples mantunye.
Ngeliat mertuanye udeh ngeloyor ke
ruang tivi, Nina nyubit pinggang Nurdin.
“Aduuuh, sakit tapi enak, deh “ keluh
Nurdin sembari meringis
“Laen kali kalo mau maen bola, jangan sampe
diledek babe. Nina kan
malu, bang “ Nina ngerajuk sembari tangannye nyeruduk ke dalem celane Nurdin
“Malu ape mau ?”
“Malu diledek babe, tapi mau banget
kalo secepetnye dibekep abang sayang“
Nurdin ngeraih tubuh isterinya. Nina lang sung diangkat.
Digendong, di bawa masuk ke dalem kamar.Keliatan banget,kalo Nurdin udeh kagak sabar. Kayaknye, kepengen buru buru nyanyiin lagu Maju tak
Gentar, ngebelain si otong nyang kerase udeh gusar
Engkong Lihun nyang sempet ngeliat
ulah anaknye, cuma geleng-geleng kepala
“ Gaya ,lu, Din. Kok kayaknye nyontek ke lakuan
gue waktu masih mude,sih” gumam kong Lihun, nyang lantas merhatiin pertan dingan
Indonesie – Marcelona, nyang masih berlangsung.
“Hebat banget tuh anak kecil,” komentar
kong Lihun, waktu ngeliat Messi mengecoh
empat pemain belakang Indonesia. Terus gam pang banget die, nyetak gol.
“Katanye pemain bola mesti jangkung, ba
dan gede. Buktinye, postur si Messi kagak beda sama pemaen Indonesia ?” Kong
Lihun ngege rutu lagi. Soalnye, martabak di mulutnye belon sempet ketelen, Messi
udeh nyeplosin bola la gi, ke gawang
Indonesie, nyang dikawal Taufik Hidayat.
“Lagian, pemaen bulutangkis direkrut
jadi penjaga gawang !”
Bersambung
0 Response to "CERBER 44"
Posting Komentar