TAKUT MEMBAWA BERKAH

oleh: Oesman Ratmadja



Bukan cuma Mail yang kasih kabar kalau dia dicari cari sama bang Godel, nyang kelihatan marah sambil membawa bawa golok tanpa sarung.  Karena bawa golok telanjang, bukan hanya Mail yang bilang: jangan jangan Toing bakal kena musibah.
Moheng dan Panjul juga mengabarkan hal yang sama.
Bikin Toing yang awalnya mulai merasa takut jadi bertambah ngeri.
Pas lagi merasa ngeri, eh, si Dobleh malah sengaja nyari nyari Toing dan begitu ketemu dengan kesel bilang, " Cepet lo temuin bang Godel. Kalo lo gak mau ketemu die, ntar gue nyang disangka nggak nyampein pesen. Kan repot kalo akhirnye gue nyang didamprat," kata Dobleh.
Akhirnye, meski takut bin ngeri bin ngeper ples deg degan, Toing kepaksa datang ke rumah bang Gobel. Pas melihat bang Godel ada di teras rumah, Toing nyang baru kepengen ucapin salam, malah langsung dibentak.
" Hai Toing..  brengsek lo yee. Gue cari cari lo malah ngumpet. Cepet lo kemari"
Toing langsung gemeteran. Cuma, dia tetap menghampiri bang Godel, nyang lansung ngeraih golok telanjangnye di atas meja
"Hari ini, bakalan koit deh gue," Toing ngebatin.
Pas berhadepan empat mata, bang Godel mulai bekicau
" Kalo lain kali lo susah gue cari, lo jangan nyesel yee kalo gue gibek "
"Emang.. emang salah saye ape, bang?" Tanya Toing sambil gemeteran
"Salah lo, lantaran lo susah dicari. Tapi, sekarang kan lu udeh di depan mate. Nah, sekarang, asah biar tajem tuh golok. Lantas, tolong lu masukin lagi ke sarungnye. Nah, ini upah buat lu," kate bang Godel sembari nyodorin selembar lima puluh ribuan.
Toing nyang sebenernye udeh kepingiiiin banget pingsan supaya kagak digibek, ternganga.
Nggak nyangka kalo awalnye mesti ketakutan ujungnye malah datengin kegembiraan. Dapet lima puluh ribu perak sama aja dapat rezeki dan tanda tanda nasib lagi semarak.
Baru kali eni TOING ngerasaain takut tapi malah ngedatengin berkah buat dirinye.
Biar gak bisa beli daging, Toing yakin bisa buat beli bakso yang gak pakai boraks dan daging sapinya yang masih merah merona, bukan daging sapi yang sudah biru tapi tetep jadi bahan baku bakso 

Tweet