CERBER (54)

BUKAN Mantu IDAMAN

Oleh: Oesman Ratmadja

LIMA PULUH EMPAT

         “Ketabrak trek gandengan kali tuh an ak,” kate kong Lihun.

            Doi, jelas ngegerutu. Soalnye, bukan pa kean nyang udeh direndem aje, nyang belon dicuci. Gelas bekas ngopi, piring bekas sarapan pagi, juga masing pada kotor. Dapur juga ma sing berantakan. Lantai masih bedebu,. lantaran belon disapu.

          “Kalo begini terus, buat ape gue punye mantu?”

           Engkong Lihun ngegerundel lagi. Tapi, die lantas buru-buru ke kamar. Seudeh pake kolor sama  kaos singlet, balik lagi ke tempat se mula. Niatnye, tentu aje kerja bakti. Nyuci ba ju, nyuci peralatan kotor, nyapu lantai, baru nyari makan.

          Tapi, baru aje jongkok, die ngedenger suara tereakan nyang mirip banget sama nyang pernah die dengar beberape jam nyang lalu.

             “Babeeeeee !”

             Kong Lihun kepaksa diri lagi. Kagak pikir panjang, die tinggalin pakaian nyang ma sih di bak. Begitu mau lewat ruang makan, die ngeliat Nina Beler udeh duduk di kursi meja makan. Di depannye, ada bungkusan dari kertas nyang warnanye coklat. Isinye, pasti nasi. pake rendang.

             “Tuh nasi bungkus, pasti buat gue,” kong Lihun nyang sebenernye kesel, begitu nge liat di meja ada bungkusan dari kertas nyang warnanye coklat, langsung senyum.

             “Babe pikir, siape nyang manggil. Ka gak taunye, mantu babe nyang cakep “

             “Babe tau nggak kenape Nina manggil babe?” Tanye Nina, nyang tadi,. waktu baru da teng, manggilnye pake tereakan, tapi waktu , ba rusan nanya, udeh balik lagi pake suarenye  nyang merdu. Suare nyang mirip banget sama suarenye nyang selama ada Nurdin  die gunain

          Bikin engkong Lihun nyang perutnye udeh ngelaguin musik  keroncong, langsung lu pa sama pepatah nyang bebunyi pikir itu pelita hati. Kagak pikir panjang, kong Lihun lang sung ngejawab ape adenye. Sesuai sama naluri nye, nyang emang udeh lapar berat

           “Ya, pasti tau, dong. Paling-paling Nina mau ngajak babe supaya cepet-cepet makan. Ka yak nyang seminggu belakangan udeh babe nik matin hepinye “  

           Nina kontan bediri. Die langsung beka cak pinggang. Mukanye nyang cakep, berobah jadi nyeremin. Kayak pemain Lenong, nyang belon kelar mekup, ngedadak kentut alias nge buang gas di muka umum  

           “Siape nyang bilang Nina mau ngajak makan babe? Ngejawab, tuh, jangan sembarang an, be. Nina tuh lagi laper. Sengaja manggil pa ke tereak, supaya babe cepet dateng. Nina mau minta tulung sama babe buat ambilin piring, sendok sama segelas aer putih. Ngerti ?!”

           Kong Lihun kaget setengah mati.

           Sama sekali kagak percaye, kalo mantu nye nyang tadi pagi udeh ngebentak, barusan, udeh ngebentak lagi. Kalo mantunye nyang seminggu lewat terus menerus persembahin kehepian, sekarang cuman nyodorin sikap nyang bikin ati gondok, emosi siap meledug

            “Babe kagak denger ape emang budeg, sih? Kalo budeg, bilang terus terang!? Semisal kagak budeg, cepet ambilin piring, sendok sa ma segelas aer putih. Nina udeh kelapean, tau!”

            “Babe, juga, kan udeh laper berat?”

            “Mau udeh atawa belon lapar berat, e mangnye Nina pikirin. Sekarang, kalo kepale babe kagak mau benjol, cepet deh ambilin nyang Nina perluin buat makan. Kalo nggak, Nina lempar kepala babe pake tas ?”

           Ngeliat Nina langsung ngambil tas, siap ngelempar ke kepalenye, Kong Lihun nyang sebenernye kepingin ngelawan, milih buru-buru ngelangkah ke dapur. Die ambil nyang dipinta Nina. Buru-buru balik ke ruang makan. Nyera hin piring sendok garpu. Gelas isi aer putih, di taroh di atas meja, deket bungkusan nasi.

Bersambung.....

Tweet