CERBER (53)

LIMA PULUH TIGA

        Die minta, supaya kong Lihun cepet-cepet ngasih die duit, lantaran mau pergi ke toko emas sekarang juga. Mau beli gelang, cincin, kalung giwang, pengganti perhasannye nyang ilang, lantaran dirampok di dalem taksi.

         Engkong Lihun, buru-buru masuk ke kamar. Kagak lupa ngunci pintu. Die cepet cepet buka lemari. Ambil kotak coklat. Buka kuncinye. Lantas ngambil duit sekitar sepuluh juta.

        “Kok cuman sepuluh juta? Emangnye duit segini, cukup, buat beli dua ratus gram perhi asan Nina nyang dirampok orang?”

        “Ninaaa.. elu tuh jangan kuatir. Besok, motor nyang babe sewain buat ojek, bisa babe jual. Kalo laku, pasti kekurangannye bakal ba be tambahin. Sekarang, terima dulu aje ape adenye. Tolong babe, yee ?”

        Nina Beler nyamber duit dari tangan Mer tokunye sembari tetep cemberut. Kong Lihun cuman bisa ngurut dada. Tapi, dalem atinye tetep berharap, Nina Beler balik kayak kemaren-kemaren lagi. Jadi mantu nyang sebenernya

       Bukan kayak nyang sekarang keliatan jelas di depan mata kong Lihun

        Nyebelin

        Malu maluin       

       Uuuuuukh, kepengen rasanye kong Lihun nabok Nina. Cuman, lantaran kemaren-kema ren begitu banyak kebaekan nyang diterima kong Lihun dari Nina, kong Lihun sama sekali kagak percaya kalo mantunye udeh berubah.

         “Begitu kali, ye, kalo orang stress,” pikir kong Lihun, nyang akhirnye cuman bisa ngelia tin  Nina Beler pegi ninggalin rumah.

          Emang, Nina Beler kagak nyelonong girl gitu aje. Die sempet  pamit ke mertuanye. Tapi, waktu mantunye  bilang mau ke toko emas, eng kong Lihun kagak  tanya, ke toko emas nyang ada di Jakarta ape nyang lokasinye di Bandung. Juga kagak nanya, mau pulang jam berape?  Nyang kong Lihun tau, cuman mau ke toko emas. Die mau beli cincin, gelang, kalung sama giwang, Buat ngegantiin perhiasannye, nyang katanye ludes dirampok orang di dalem taksi.

           Kong Lihun bener-bener cuman bisa mingkem. Bukan kagak mau ngejawab. Bukan berarti die kagak kepengen ngelarang. Cuman, kalo bilang atawa ngejawab kagak ngijinin mantunye pegi, semisal die tereak-tereak lagi, terus tetangga pada dateng, kepengen tau ade ape antara kong Lihun sama mantunye?

           Lantas,  ngejawabnye gimane ?

           Timbang repot kayak tadi, kan lebih bae ngehindarin supaya kejadian warge dateng ke rumahnye, kagak terulang buat nyang kedua kali.

                                                    (10)

        “CUCI ape jangan, ye ?”

        Gumaman kong Lihun, ngejelasin, kalo doski, lagi gamang. Lagi bimbang. Nyatanye, emang begitu. Gimane kagak bimbang, udeh mau Maghrib, Nina Beler, menantunye, belon juga pulang. Pakean nyang pagi direndem, te tep aje numpuk di bak item nyang banyak aer sabunnye.

         Kong Lihun pikir, mantunye, bakalan ce pet pulang. Paling telat, pas bedug dzuhur, Ni na udeh sampe di rumah. Lantaran kupingnye udeh begiwang, lehernye udeh bekalung,  ta ngannye penuh gelang, jarinye udeh becincin,  die nyang kagak sempet masak buat makan siang, bawain makanan buat mertue. Lantas, langsung nyuci

          Tentu aje sambil senyam senyum. Sebab perhiasannye nyang ilang, udeh  ada nyang nge ganti. Nyatanye? Waktu udeh mau masuk ke Maghrib, Nina Beler belon juga keliatan batang idungnye.

Bersambung…….

Tweet