CERBER (32)

TIGA PULUH DUA

          Dan nyang paling kepengen banget dihindarin, statusnye entu, lho. Soalnye, Kong Lihun pernah punya pengalaman pait. Pengala man nyang paling kagak ngenakin. Tuh pengalaman pait, seumur-umur kagak bahannye bisa dilupain. Sebab, ujung-ujungnye bukan ngebahagiain. Tapi, nyakitin.

          Mestinye pengalaman kong Lihun nyang pernah ngebangun rumah tangge sama Dewi Pesek, nyang juge penyanyi dangdut, kagak bo leh atawe jangan sampe dialami Nurdin.

(6)

        “SAYE Nurdin, be. Anaknye pak Lihun” kata Nurdin.

         Nurdin buru-buru ngenalin diri, supaye bang Somad nyang begitu buka pintu rumah , langsung bengong-- saat natap tamunye nyang berdiri di depan pintu rumah, kagak terus be ngong.

        Nurdin nyang  rambut panjangnye diiket,  tampilannye  santai abis alias sesantai santai nye, buru buru nyalamin bang Somad, nyang akhirnye kagak bengong, udeh tau siape nyang dateng, bekunjung kerumahnye

        “Jadi, elu, Nurdin? Bener, lu, anaknye bang Lihun? “

        “Ya, bener, be. Kalo saye ngaku anaknye Barack Obame, baru babe wajib curige ?” “

        “Maaf, ye, Din. Babe kira, lu cewek nya sar nyang bingung pulang. Tadinye, babe lebih siap nganter lu pulang, timbang makse num pang nginep di rumah babe “

        “Babe bisa aje “

        Nurdin sama sekali kagak kesinggung mes ki disangka cewek nyasar, meski kagak buru-buru disuruh masuk.  

        “Waduuh, maaf ni. Babe jadi ampir lupa kalo tamu mesti buru-buru diajak masuk “

        Nurdin menarik nafas panjang. Ia lega. Ta pi, kagak mau buang waktu. Langsung ikutin bang Somad nyang bergerak ke ruang tamu.

        “Tapi maaf nih..soalnye di rumah cuman babe sendirian. Jadi, kagak bisa bikinin lu teh atawa kopi. Kalo Mumun atawa enyaknye, ada di rumah, lu mau  minta disedian tiga gelas sekaligus,  kagak masalah“

         “Kagak usah repot-repot, be,” Nurdin cepet nyaut. Juga buru-buru nanya Mumun sama enyak, pada pegi kemane

          “ Oh iye, emangnye, Mumun sama enyak pada ke mane, be ?” Tanye Nurdin, nyang juge ikutan ngerapetin pantetnye di sofa empuk, lantaran bang Somad, langsung duduk tapi kagak ngajak Nurdin duduk.

         “Jenguk si Lela. Ba’da Ashar, die ngirim sms, ngabarin penyakit maagnye kumat. Tadi nye, sih, gue kepengen ngelarang supaya kagak perlu dilongok. Sebab, lakinye, kan, bisa bawa bininye nyang sakit ke dokter atawa ke rumah sakit.

          Cuman,  namanye juga kuatir sama anak, si Mumun kuatir sama mpok, mau kagak mau gue ijinin. Oh iye, babe lu sehat aje,kan? “

         “Kalo sehat, udeh pasti saye ajak, be. Mangkanye, babe cuman bisa titip salam kagak bisa ikut. Soalnye, sepulang kemping dari gu nung salak, sampe tadi saye tinggal, kaki babe masih keliatan bengkak, “ kata Nurdin, ngejelasin kondisi babenye.

Bersambung………

Tweet