PANTUN MISTERI HAMBALANG

oleh : Oesman Ratmadja


Kalo serius buka tempat kurSUS
Perijinannye juga kudu dilengkaPI
Kalo mau konsisten ngungkap kaSUS
Jangan cuma fokus di kasus impor saPI

Dah tau dikabarin anak gadisnye iLANG
Eeeh bukannye cemas malahan hePI
Mestinya kalo dah tau ada HambaLANG
Jangan lebih lincah ngurus kasus saPI

Kalo emang perlu silahkan bawa beDIL
Tapi gak perlu pamerin wajah seREM
Mestinye, hukum tuh diperlakuin aDIL
Jadi, jangan liat hambalang sembari meREM


Liat Hambalang kudu terus meLEK
Kalo perlu gak berhenti diplotoTIN
Profesional tuh kesannye kudu inteLEK
Supaya rakyat gak bilang, duh prihaTIN 


Kalo emang gak doyan ikan kaKAP
Gak usahlah pake cari gara gaRA
Kalo gembala sapi langsung ditangKAP
Kudunye tersangka Hambalang juga dipenjaRA  

Pokoknye, kalo cepat minum air aNGET
Sesegukan akibat keselek langsung iLANG
Pokoknya, semua rakyat kepingin baNGET
KPK serius banget nguak misteri HambaLANG

Tweet