PANTUN UNDER ROCK

oleh : Oesman Ratmadja

Bang.. dari tadi kok belon keLAR
Memangnya kerjaan masih numPUK
Kalo burung abang ngedadak meLAR
Dipegangnye pasti kenceng tapi emPUK

Neng.. batu kolar jangan dibuaNGIN
Kan repot kalau gotnye pada mamPET
Makanye melar lantaran udeh  kepiNGIN
Makanye mulai tadi kerja abang dipercePET

Bang.. kalau  matahari masih teRANG
Jangan malah nanya kenape bulan iLANG
Aye siap kok diajak ke medan peRANG
Ditembak abang, kan enak bukan kepaLANG

Neng... tiap lihat bulan bersinar teRANG
Abang pasti kepengen makan guLAI
Kalo emang si Neng dah siap peRANG
Kayaknye, lebih baik cepet kite imuLAI

Bang...aye kan lagi goreng ikan sePAT
Gimane kalo abang siapin nasi aNGET
Inget yee bang...gak perlu cepat cePAT
Cepet cape kan cepet keluar keriNGET

Neng... pesannye pasti abang iNGET
Soalnye, kalo makan abang biasa duDUK
Kayaknye gak soal deh cepet bekeriNGET
Kan abang dah lebih dulu siapin hanDUK

Bang... kenape ada musim layang laYANG
Soalnya, kan banyak penjual beNANG
Bang... kenape tiap kali aye ngegoYANG
Keliatan banget kalo abang begitu seNANG

Neng...mesti begitu kalo lagi bereNANG
Gayanye kan juga bisa berubah ruBAH
Goyangan Neng jelas bikin abang seNANG
Apelagi si Neng ngijinin abang minta namBAH

Tweet